اضف مزيد من القوة و الفعالية الى فايرفوكس عن طريق الاضافات او Add-ons

ياتى متصفح موزيلا فايرفوكس بمميزات و خصائص لا يمكن حصرها فهو المتصفح الاقوى و الاسرع و الافضل من ناحية الاداء و الامان و الاستقرار و طبعا مفيش مجال للمقارنه بينه و بين المتصفحات الاخرى عدا متصفح اوبرا الذى يعتبر و بحق اسرع المتصفحات و اخفها على الاطلاق لكن يعيبه ما يزيد به منافسة فايرفوكس علية الا وهو الاضافات او ما تعرف بــ Add-ons وهى تطبيقات صغيرة يمكن اضافتها الى فايرفوكس لجعله اثر فاعلية Effective واكثر تشخيصا Customizable و اكثر انتاجية Productive
من بين اكثر من 5.000 اضافة يمكنك اختيار اضافات لتحرير الصور online و لتنزيل الملفات من مواقع مختلفة بعضها لا يسمح بالتنزيل و اضافة مظاهر جمالية و ترجمة مواقع و اضافة محركات بحث وغيرها الكثير و الكثير يمكن ان تجدوها على الرابط التالى مرتبة حسب التصنيفات Ctategory

https://addons.mozilla.org/en-US/firefox

طريقة تركيب الاضافات:
بعد ما نوصل للموقع ونختار حسب التصنيفات او نعمل بحث عن اضافة معينة نختار Add to firefox هتظهر الشاشة التالية


نضغط Install Now وبعد ما ينتهى هيطلب منك اعادة تشغيل للفايرفوكس عشان الاضافة الجديد تشتغل
فى المقال ده و مقالات متتالية هنختار بعض من هذه الاضافات و نلقى الضوء عليها لكن احب اقول هنا ان كتره الاضافات فى فايرفوكس مش مطلوبة لانها مع الوقت بتقلل اداءه زى الويندوز بالضبط لما نرهقه بكثرة البرامج فالافضل هو تركيب الاضافات اللى بتحتاجها فعلا فى شغلك عليه.
فى حاجة هنا مهمة احب اقولها و هى ان لو لقيت ان المتصفح اداءه قل بفعل الاضافات او جيت تركب اضافة و حصل مشكلة فيه Crash ممكن نرجع المتصفح تانى لحالته الاولى لما ركبناه على جهازنا وهى ان احنا نشغله فى الوضع الامن او Safe mode بالضبط زى الويندوز لما بنشغله فى الوضع الامن وده باختيار
Mozilla firefox (safe mode) i من قائمة البرامج او كتابة السطر ده في Run وانتر

firefox -safe-mode
(لاحظ المسافة بين firefox وبينsafe-mode-)

____________________________________________________

تعالو نتكلم على اضافة النهاردة وهى:Pixlr media add-on

مقدمة:
عندك صورة و عايز تعدل فيها بس معندكش برامج صور احترافية زى فوتوشوب او غيرها على جهازك خش الموقع ده:

http://www.pixlr.com/editor

أول ما هيفتح معاك(مش هياخد ثوانى ودى ميزة كبيرة جدا فيه) هتلاقى نفسك و كانك فتحت برنامج فوتوشوب مثلا بيسالك عايز ايه ؟
تنشأ صورة جديدة او تفتح صورة للتعديل عليها من جهازك او من رابط مفيش ثوانى و الصورة هتفتح معاك تقدر تعدل فيها زى ما انت عايز و تحفظها على جهازك.الموقع ده رائع بمعنى الكلمة متعدد اللغات بس عيبه الوحيد انه مفيهوش واجهة عربية ان شاء الله قريب ينزلو الواجهة العربية.
دى كانت مقدمة للاضافة بتاعه فى فايرفوكس واللى ممكن تركبها من الوصلة دى:

pixlr media add-on

بعد ما ركبنا الاضافة و عملنا اعادة تشغيل للفايرفوكس نروح على الاضافات من قائمة Tools و منها نختار Pixlr media add-on هتفتح معانا 4 اختيارات:Image Editor وده اللى هيخدنا على الموقع والتانى photo Express وده هياخدنا برضوا على الموقع بس لمحرر صور سريع و بسيط من غير تعقيدات الاختيار الاولانى وده للناس اللى معندهاش خلفية عن شغل برامج تحرير الصور المتقدمة زى فوتوشوب والاختيار التالت وده الاهم وهو Capture Screen اللى لو اختارناه هننقدر من خلاله ان احنا نصور صفحة انترنت كاملة Entire Page او نخنار جزء معين و نصوره Select Portion او الشاشة اللى ظاهرة امامك Visible portion وبعد ما تصور الشاشة هيخدك المتصفح على موقع الشركة وتقدر تعدل فى الصورة و تعملها حفظ على جهازك.
بعد ما نختار التقاط الشاشة باى طريقة هيظهر شريط الادوات ده:

نضغط على capture للتصوير او cancel لالغاء اللقطة وممكن نحدد ابعاد الصوره العرض فى الارتفاع المطلوب
العملية دى مفيدة جدا لما نحب نصور صفحة انترنت او جزء منها فيه معلومات معينة و نحفظها على الكميوتر بتاعنا بدل ما نحفظ الصفحة كلها و الاختيار الاخير هو Settings ونقدر من خلاله نعدل فى الاعدادات الخاصة بالاضافة زى:


( 1) ممكن نحط ايقونة الاضافة فى شريط الحالة Status Bar ولما نعمل كليك يمين عليها نقدر نختار التلات اختيارات اللى اتكلمنا عليها فوق
(2)اضافة قائمة كليك يمين لاختيار فتح الصور اللى موجودة فى صفحة الانترنت فى الموقع لتحريرها و لالتقاط صوره للصفحة باختياراتها التلاته
(3) اختيار فتح الصور فى Pixlr المتقدم للمحترفين او السريع للمبتدئين
(4) اختيار فتح الصور الملتقطة فى Pixlr المتقدم للمحترفين او السريع للمبتدئين
(5) فتح و تحميل البرنامج فى لسان جديد او نفس اللسان او صفحة جديدة

وبكده يبقى انتهينا من الاضافة دى والى لقاء اخر مع اضافات اخرى
والسلام عليكم و رحمة الله و بركاته....