حمل ملفات التورنت بوصلات مباشرة بدون استخدام برامج

السلام عليكم و رحمة الله و بركاته

احيانا بندور على ملف معين على النت برنامج او اغنية مثلا ونلاقيه تورنت و معندناش برنامج تورنت عشان ننزله ..
كلنا نعرف التحميل من التورنت عن طريق برامج Torrent Client زى Utorrent و غيرها كتير.....

النهاردة هنحمل ملفات التورنت من غير البرامج دى كل اللى مطلوب هو:

1-متصفح انترنت بيدعم الــ Java Plugin النسخة 1.5 او الاحدث و دى موجودة بشكل افتراضى فىكل الاصدارات الحديثة من Java Runtime Environment-JRE ممكن تروح على الصفحة دى وتشوف اذا كانت الــ Plugin دى متثبتة بشكل صحيح على جهازك او محتاجة للترقية اضغط هنـــا

2-تروح الموقع ده: http://www.bitlet.org

بعد ما نوصل للموقع هنلاقى المربع ده:

وفيه خيارين يا اما نلصق رابط ملف التورنت من اى موقع بحث عن ملفات التورنت زى Mininova على سبيل المثال ببساطة كليك يمين على اسم الملف و نختار Copy link location فى فايرفوكس وبعدين نضغط Download torrent

اما لو ملف التورنت على جهازك فاختار Select local.torrent وبعدين Download torrent

بعدها هيسألنا عايزين نحفظ الملف فين وبعدها هتظهر شاشة التحميل دى:
















فى الشاشة اللى فوق زى ما شايفين اننا بنحمل الملف بوصلة مباشرة زى اى ملف بنحمله من اى سيرفر عادى.بالنسبة للاشارة الخضراء دى معناها ان كل شىء تمام مفيش مشكلة فى التحميل اما لو كان لونها اصفر زى كده:
















فدة معناه ان انك عندك مشكلة وهى ان انت مش قادر تستقبل Incoming Connectios الملف بيحمل عادى,التراكر Tracker تمام وانت متصل بالانداد Peers ودى سببها ان البورت 6681 الافتراضى لاستقبال الاتصالات مغلق لو الراوتر عندك بيدعم Upnp يعنى بيقدر يفتح البورتات Port forwarding اوتوماتيكيا الموقع هيفتح البورت لو مبيدعمش الخاصية دى ممكن تفتح البورت يدوى.طب لو الاشارة حمراء دى معناها ان مفيش اتصال اصلا.بعد ما الملف يوصل 100 % متقفلش النافذة خليها مفتوحة على قد ما تقدر عشان عملية الرفع Upload او Seed.حاجة اخيرة عايز اقولها وهى انك ممكن تستكمل التحميل.

العملية دى يمكن تكون طويلة شوية والحل هنا هو بدل ما نروح لموقع التونت و ننسخ وصلة الملف و نلصقها فى المربع....
الموقع عمل Bookmarklet " سكريبت جافا" لما نروح موقع التورنت نلاقى جنب ملف التورنت مكتوب Bitlet.org لو ضغطنا عليها هتفتح معانا على طول نافذة التحميل

السكريبت ده شغال كويس مع المواقع دى: the pirate bay, mininova, demonoid, torrentmatrix, sumo torrent, torrent portal, meganova, torrentreactor.to, torrentreactor.net,
bitenova.com

وموجود افتراضى فى الموقعين دول:Suprnova و Gameupdates ويشتغل مع اى موقع بيستخدم ملفات .Torrent

طريقة تركيب السكريبت:
1-فى فايرفوكس اسحب السكريبت دهBitlet Bookmarklet واعمله افلات فى شريط Bookmarks

2-فى انترنت اكسبلورر كليك يمين على السكريبت واختار Add to favorites وحطها فى Favorites bar

بعد ما نروح لموقع التورنت و نختار الملف اللى عايزين نحمله نضغط على الــ Bookmarklet بعدها هنلاقى جنب وصلة الملف وصلة لل Bitlet زى الصورة دى




فى نفس الموقع لو اختارنا من القائمة اللى فوق MUSIC نقدر نسمع ملف تورنت MP3 او Ogg Vorbis وكمان من قائمة Video نقدر نشوف ملفات تورنت فيديو بس الــ Applet دى لسه Experimental ممكن نجربهم
حاجة اخيرة ودى خاصة بالــ Webmaster او مشرفى المواقع ممكن يختاروا من القائمة More وينزلوا تحت عند For publishers وينسخوا وصلة تحميل ملف التورنت ويضغطوا Generate code هيطلع لهم كود Html ممكن ينسخوه و يحطوه فى مواقعهم و الاجمل فى الموضوع ان المتصفح مش هيسيب الصفحة اللى بيقراها لان نافذة التحميل popup فى نفس الصفحة

















ياريت يكون الموضوع عجبكم
والى لقاء اخر باذن الله