انشر ملفات الاوفيس على الانترنت

السلام عليكم ورحمة الله و بركاته

معندكش حزمة اوفيس على جهازك؟ معندكش قارىء ملفات Pdf زى Adobe pdf reader او غيره ؟وعندك انترنت يبقى مفيش مشكلة.....
عايز تنشر ملف وورد او اكسيل أوpdf ...الخ فى مقالة فى منتدى او مدونة عشان ناس معندهاش اوفيس على جهازها تقدر تشوفها مفيش مشكلة.....

روح الموقع ده: http://www.zoho.com

الموقع ده اقل ما يقال عليه انه فظيع بمعنى الكلمة وده مش كلامى انا ده بشهادة مواقع تقنية لها ثقلها ممكن تشوف تعليقاتهم من هنا

http://www.zoho.com/zoho-in-the-news.html

الموقع بيقدم خدمات النشر الالكترونية يعنى تقدر تكتب مثلا ملف وورد اونلاين وبعد كده الموقع هيديك وصلة للملف تقدر تبعتها لاى حد فى ايميل مثلا عشان يشوفها اون لاين او ينزلها على جهازه والملفات المدعومة هى:

الموقع مليان خدمات كتيرممكن تبصوا عليها من الصفحة الرئيسية من هنـــــــا بس انا هركز على نشر الملفات الالكترونى زى ملفات الاوفيس طب نبتدى منين؟من هنــــــــا

http://viewer.zoho.com

بعد ما نوصل للصفحة دى وهى صفحة رفع الملفات ممكن نختار ملف من على الجهاز او من وصلة على الانترنت ونحددله وقت للعرض يوم او اسبوع او شهر او على طول

بعد ما تمت عملية الرفع نقدر نعمل حاجات كتير فى الملف:
1-Save نقدر نحفظه على الجهاز
2-share نقدر نعمله مشاركة لما نضغط share هيطلعلنا وصلة للملف نقدر نبعتها لاى حد ولما يضغط عليها هيشوف الملف اونلاين.
3-embed ودى مهمة بالسنبة للناس اصحاب المدونات او اعضاء المنتديات لانهم بيقدرو يحطوا الملفات دى فى موضوعاتهم
4-edit وده للتعديل على الملف
5-export ودى لتصدير الملف بامتدادات مختلفة زى doc -dot-html-rtf-pdf

6-delete لمسح الملف
7-info لمعلومات عن الملف
8-print لطباعة الملف
يعنى النهاردة لو عندى ملف وورد و عايز احوله لملف pdf مش هتعب نفسى فى البحث عن البرامج اللى بتحول ببساطة هرفع الملف و هصدره بصيغة pdf و احفظه على الجهاز.

ياريت يكون الموضوع عجبكوا
والى لقاء اخر باذن الله