كيفية عمل نسخة احتياطية للريجيسترى ج1

هناك ثلاث طرق للقام بذلك:

مهم جدا:العملية دى محتاجه مستخدم له صلاحيات الــAdministrator او الــAdministrator نفسه

1-باستخدام خاصية فى الوينوز مهمة جدا وهى SYSTEM RESTORE

اى تغيير احنا بنعمله فى النظام مثلا سطبنا برنامج او ركبنا قطعة هاردوير (كارت صوت مثلا) والتعريف بتاعها ضرب الويندوز...الخ نلاقى ان خاصية استعادة النظام SYSTEM RESTORE بتاخد صورة من النظام وتحفظها على الهارد عشان لما النظام ينهار نقدر نرجع الصورة IMAGE من تانى بدون ما نفقد ملفاتنا اللى على الهارد والعملية دى بتحصل اوتوماتيكيا لكن ممكن ان احنا نعمل نقطة استعادة نظام بايدينا لما نكون هنسطب برنامج و مقلقين منه او قطعة هاردوير تعريفها ممكن يضرب الويندوز و دى بتحصل كتير أو اى تغيير فى الريجيسترى زى ما شفنا فى المقاله دى أضغط هنـــــــا

الخطوات:

نروح على RUN ونكتب فيها :

%SystemRoot%\system32\restore\rstrui.exe

أو نروح على قائمة start ومنها نروح على programs ثم accessories ثم system tools ومنها نختار system restore

هتتطلع لنا شاشة استعادة النظام الترحيبيه نختار منها CREATE RESTORE POINT

بعد كده Next وفى مربع system restore description نكتب اى اسم للنقطة مثلا "Registry" وبعدينcreate و بعدها close وبكده يبقى عملنا نقطة استعادة نظام نقدر دلوقتى نعدل فى الريجيسترى ولوالتعديل اللى هنعمله فى الريجيسترى ده ضرب الويندوز نقدر نرجعه تانى ازاى؟
نفس الحكاية نروح للsystem restore من اى طريق زى ما شفنا فوق
والمرة دى هنختار Restore my computer to an earlier time

وبعدين next بعد كده هنلاقى النقط اللى عملناها بالوقت و التاريخ نختار النقطة المطلوبة ثم next


النافذة اللى بعدها بتقولك انك تحفظ ملفاتك المفتوحة لان النظام هيعيد تشغيل نفسه restart وبعد ما النظام يقوم تانى هيفتح على صفحه system restore وهيقولك ان تمت استعادة النظام.

مهم جدا: فى ناس بتكون قفله موضوع ال system restore عندها عشان يوفروا مساحة تخزينية على الهارد لان الموضوع ده مرتبط بكل قسم(بارتيشن ) بنحدد له مساحة عليه لاستعادة النظام فى حالة فشله . المساحة الافتراضية بتكون 12 % من مساحة البارتيشن مش ممكن نزودها بس ممكن تقلللها وممكن نقفلها على بارتيشن و نسيبها على التانى وممكن نقفلها على الهارد كله لما نحط علامة صح امامTurn off system restore on all drives كل الاعدادات دى ممكن نوصلها لما نكليك يمين على my computer ونختار properties وبعد كده نختار اللسان system restore


الطريقة دى يا جماعة مش مضمونه 100 % ليه؟
أولا:ممكن نقطة استعادة النظام الجديدة تكتب على القديمة overwrite و ده لضيق المساحة المخصصة ليها على الهارد او ممكن النقطة دى تكون تلفت corrupted
ثانيا:ممكن الويندوز ينهار بشكل كامل منقدرش نرجع النقطة دى تانى زى ما بعض الفيروسات بتعمل

الحلول البديلة تابعوها فى الجزء الثــــــــانى و الثــــــــالث