ازاى تخفى ملفاتك و مجلداتك بدون برامج؟ الجزء الخامس...

المره دى يا جماعة مش هنخبى فولدر جواه ملفات لا احنا هنخبى بارتيشن كامل!!!!

ممكن نريح دماغنا و نخفى البارتيشن كله اللى عليه الداتا و نرجعه تانى فى اى وقت نخش فى الموضوع على طول.لازم فى الاول نقول ان الطريقة دى هنعملها عن طريق محرر سجل النظام REGISTRY فنخلى بالنا اوى فى التعامل معاه لان الغلطة فية هتكلفك تركب ويندوز من تانى!!!! واعمل BACK UP للريجيسترى ازاى؟ وكمان للداتا اللى على البارتيشن ولازم المستخدم يكون له صلاحيات مدير النظام او ADMINISTRATOR

نروح على قائمة START و بعدين RUN نكتب فيها REGEDIT وبعدين ENTER هتفتح الشاشة دى

الريجيسترى يا جماعة هو قلب نظام الوينوز بيسجل كل صغيرة و كبيرة فى النظام و اللى بنتحكم منه فى الويندوز كله و اى غلطة فيه تتعب جامد زى منتو شايفين ببساطة هو متقسم الى خمس قوائم رئيسية لو ضغطنا على على علامة الزائد اللى جنب اى قائمة هتفتح قوائم فرعية والقوائم دى هتفتح قوائم فرعية تانية نكتفى بالكلمتين دول لاننى سوف اتكلم عنه بالتفصيل لا حقا

الاول احنا مثلا هنخفى بارتيشن ال "D" بعد ما الشاشة دى فتحت هنروح على القائمةHKEY_LOCAL_MACHINE هنفتحها هتفتح قوائم كتير هنختار SOFTWARE وبعد كده MICROSOFT وبعد كده WINDOWS ثم CUURENTVERSION ثم POLICIES واخيرا EXPLORER اللى هنقف كليك يمين عليه و نختار New DWORD Value

على يمين الشاشة هنلاقى ملف جديد اسمه new value #1 نسميه NoDrives ونضغط دبل كليك عليه او كليك يمين و نختار modify هتفتح نافذه صغيرة نختار من base الاختيار decimal و فى خانة modify نكتب 8 وبعدين ok ونقفل الريجسترى ونعمل logoff للمستخدم الحالى او restart لو منفعتش ولما نفتح My computer هنلاقى ان البارتيشن "D" اختفى!!!!!

طب لو حابينا نظهره تانى ببساطة هنغير القيمة الى 0 أو نحذف القيمة كلها يعنى كليك يمين و حذف

ده بالنسبة لبارتيش واحد كانت قيمته 8 طب لو 2 بارتيشن الD و E مثلا تبقى القيمة كام تبقى 24 جات منين ده؟؟

A=1 B=2 C=4 D=8 E=16 F=32 G=64 H=128 I=256 J=512 .....ETC

ونضاعف العدد لحد ما نوصل لحرف الZ واللى قيمته هتبقى : 33554432 وده اخر حرف ممكن نسمى بيه بارتيشن على الويندوز يبقى لمن نحب نخفى ال D و E نجمع قيمتهم من الجدول ونحطها فى VALUE DATA وبكده نخفى ال2 بارتيشن

طب لو هنخفى البارتيشنات كلها يبقى نحط القيمة دى:67108863

ناس هتقول دى عملية صعبة اوى كل مره اخش على الريجيسترى واعدل القيمة و اعمل خروج للمستخدم الحالى وارجع تانى اشيل القيمة دى شغلاااااااااااااااانة
طب منعمل ملف باتش لاخفاء البارتيشن وعمل خروج للمستخدم وملف لاظهاره وعمل خروج للمستخدم كله فى ضغطة واحدة

الملفين ممكن نحملهم من هنا:أضغط هنــــــــــــــــــا

بعد ما ننزل الملف المضغوط نفك الضغط عنه هيبقى عند نا ملفين باتش الاول باسم hide drive d.bat لو ضغطنا عليه هييخفى بارتيشن ال D ويعمل LOGOFF والملف التانى SHOW DRIVE D.BAT هيرجع البارتيشن تانى وهيعمل LOGOFF للمستخدم ناخد الملفين دول و نحطهم فى مكان مستخبى على الهارد واظن كده العملية بقت مفيش اسهل من كده

لو حبينا نخفى اى بارتيشنات تانية هنيجى على ملف الباتش HIDE DRIVE D.BAT وكليك يمين و نختار EDIT هيفتح فى برنامج المفكرة هنشيل القيمة 8 و نحط القيمة اللى احنا عايزينها زى ما شفنا فوق

والى لقاء اخر ان شاء الله