ازاى تخفى ملفاتك و مجلداتك بدون برامج؟ الجزء الرابع..

نروح المرة دى على بارتيشن ال "D" ونعمل فولدر جديد ونسميه "FONTS " اشمعنا الاسم ده هقولك بعدين ليه

كليك يمين فى مكان فاضى ونختار NEW TEXT DOCUMENT هتفتح المفكرة NOTEPAD نكتب السطر دا فيها:

ren Fonts Fonts.{21EC2020-3AEA-1069-A2DD-08002B30309D}

الافضل COPY و PASTEوبعدين SAVE AS نكتب فى FILE NAME الاسم ده LOCK.BAT زى الصورة

دلوقتى عندنا الفولدلر FONTS والباتش LOC.BAT جنب الفولدر مش جواه زى الصورة

نفتح ملف جديد تانى بالمفكرة ونكتب فيه المره دى:

ren Fonts.{21EC2020-3AEA-1069-A2DD-08002B30309D} Fonts

(الافضل نسخ ولصق برضو) والمره دى نحفظه باسم KEY.BAT
دلوقتى عندنا ملفين با تتش و الفولدر اللى فيه الملفات اللى هنخفيها واللى اسمه FONTS زى منتو شايفين

ايه حكاية الباتشين دول؟
الاولانى (القفل) LOCK.BAT هواللى هنقفل بيه الفولدر اضغط عليه مرتين هتلاقى ان الفولدر FONTS اخذ ايقونة Fonts اللى موجوده فى CONTROL PANEL ولو ضغطنا عليه هيخدنا على لوحة التحكم!!!! طب الباتش التانى(المفتاح) KEY.BAT لو ضغطنا عليه مرتين هيرجع الفولدر تانى لشكله الطبيعى وجواه الملفات اللى احنا مخبينها!!!!!!!!!!!!

فى ناس كتير هتجرب وتقول ان الطريقه مشت معاها وناس اكثر هتقول منفعتش معاها وان الفولدر بقى اسمهFONTS.{21EC2020-3AEA-1069-A2DD-08002B30309Dبيشاور على FONTS فى لوحة التحكم صحيح بس لو حد عمل RENAME للفولدر وشال {21EC2020-3AEA-1069-A2DD-08002B30309D}. من الاسم هيظهر الفولدر بملفاته!!
الحل
أولا: اتاكد من امتدادات الملفات ظاهرة فى اعدادات المجلدات ازاى؟

TOOLS-->FOLDER OPTIONS---->VIEW--->ADVANCED SETTINGS

شيل الاختيار من امام HIDE EXTENSIONS FOR KNOWN FILES

ثانيا:وده الحاجة الاهم ان تروح بردو على

TOOLS--->FOLDER OPTIONS---->FILE TYPES

وتختار من اسفل NEW تكتب فى FILE EXTENSION السطر

{21EC2020-3AEA-1069-A2DD-08002B30309D}.

نضغط على ADVANCED ونختار من ASSOCIATED FILE TYPE الاختيار Control panel extension ثم ok وبعدين apply ثم ok فى النافذه الرئيسية

طيب فى ناس هتقول وضع باتش القفل و المفتاح جنب الفولدر ممكن حد يلعب فيه او يحذفه و لحل المشكله دى نحط الباتشين فى مكان تانى على الهارد يعنى مثلا هنا نروح نحطهم على ال "C" أو اى مكان تانى بس المهم ان احنا نغير مسار الفولدر فى الباتشين يعنى كده:

وكده

وبكده هتتحل المشكلة باذن الله
والى لقاء اخر باذن الله