ازاى تخفى ملفاتك و مجلداتك بدون برامج؟ الجزء الاول

ازاى تخفى ملفاتك و مجلداتك بدون برامج؟

كثير جدا بنبقى عايزين نخفى ملفات او مجلدات عشان عليها داتا مهمة او حاجات مش عايز حد يشوفها(حاجات من اياها).الحل هنا هو ان انت تنزل برنامج يقفل الملفات ده بس هيبقى باين على الجهاز انت مسطب البرنامج الفلانى اللى بيخفى الملفات وبكده الشكوك هتكتر!!!!!

هابتدى معاكم شوية حيل بدون استخدام برامج(third party) كله باستخدام الويندوز نفسه

هنبتدى باسهل طريقة وهى زى كتير ميعرفوها وهىHide Files and Folders

ببساطة هنيجى على المجلد(الفولدر) اللى فيه الملفات اللى عايزين نخفيها وكليك يمين عليه ونختار properties بعد كده

ننزل تحت شويه هنلاقى attributes هنلاقى فيها ثلاث check box نختار منهاHidden (مخفى)

وبعد كده apply ثم ok هنلاقى ان الفولدر اختفى طب ازاى نرجعه تانى ببساطة نروح على اللسان Tools الموجود فى اعلى اى نافذة Windowمفتوحة ونختار Folder options

هيطلع نافذة نختار منها لسان view نروح على advanced settings وننزل تحت شوية ونختار Show hidden files and folders وبعد كده Apply ثم Ok

هنلاقى الفولدر رجع تانى بس لونه بهتان وكمان الملفات اللى جواه بهتانة طب لو رجعنا فى كلامنا ومش عايزين نخفيه كليك يمين على الفولدر و properties ونشيل الاختيار من Hidden .

**************************************

طريقة ثانية بس أأمن من الاولى!!!!

طيب ممكن نعمل الحكاية دى من الدوس وندى للفولدر ده attributes تانية مش موجودة فى الويندوز وهى system يعنى نقول ان الفولدر من ملفات النظام اللى مخفية فى الوضع الافتراضى للويندوز الحكاية دى تمشى مع الملفات او الفولدرات طب ازاى؟

نروح على الدوس ازاى؟من قائمة START بعدين RUN نكتب فيها CMD هتفتح شاشة الدوس السودا

زى مشيفين بتفتح على طول على الفولدر بتاع المستخدم الحالى اللى هو Administrator طبعا لو انت فاتح باليوزر الادمنيستراتور لكن اللى هيفتح معاك هو اليوزر اللى انت داخل بيه المهم عايزين نوصل للفولدر بتاعنا من الدوس ونديله system attribute لو مش عايز تتعب نفسك ممكن تحط الفولدر ده فى مجلد اليوزر الحالى والمسار(path) بتاعه باين على الشاشة روح على البارتيشن C"" بعد كده DOCUMENTS AND SETTINGS بعد كده نختار الفولدر بتاع المستخدم الحالى اللى هو الادمنيستراتور ونحط فيه الفولدر بتاعنا نروح للدوس ونكتب الامر DIR وبعدين ENTER هيظهر مجلدات المستخدمين اللى على الجهاز نكتب الامر ده عشان نخش على فولدر الادمنيستراتور CD ADMINISTRATOR هتظهر الفولدرات وفيها الفولدر اللى احنا عايزين نخفيه اللى كنت مسميه PRIVATE

نكتب الامر ده:attrib +r +s +h private

وده معناه خلى الفولدر ده للقراءة فقط +r (read only) و مجلد نظام+s (system) و مخفي +h (hidden)

لو حبينا نظهره وعملنا اللى عملناه قبل كده مش هيظهر !!!!!! ليه؟ لان المرة دى لازم نشيل الاختيار من امام

Hide protected operating system files(recommended)

والى لقاء اخر ان شاء الله............