ازاى تخفى ملفاتك و مجلداتك بدون برامج؟ الجزء الثانى

أخفـــــــــــــى ملفاتـــــــــك المهــــــــــــــــمة فى صــــــورة !!!!!!

غريبه!! مش غريبة أوى كل شيء جايز كل اللى محتاجينه هنا هو برنامج winrar أو winzip وده اكيد واحد فيهم موجود على جهازك ولو معندكش ممكن تعملهم داون لود من على النت

خطوات العمل:

فى البداية قبل ما نعمل اى حاجة لازم تاخذ نسخة احتياطية من الملفات اللى هتشتغل عليها

نروح على بارتيشن ال c مثلا ونعمل فولدر جديد ونسميه private مثلا ونحط جواه الملفات اللى احنا عاوزين نخفيها ونحط جواه الصورة اللي عايزين نخفى الفولدر فيها والصورة ممكن تكون بامتداد jpg او اى امتداد

دلوقتى نحدد الملفات اللى عايزين نخفيها(منخترش الصورة فى التحديد) وكليك يمين عليهم ونختار Add to private.rar

بعد ما عملية الضغط تنتهى هيبقى عندنا الملف المضغوط private.rar والصورة والملفات

دلوقتى نروح على الدوس عارفين طبعا ازاى ونكتب الاوامر دى بالترتيب (الامر وبعدين enter)

1- Cd\

2-Dir

3- Cd private

4- copy /b hides.JPG + private.rar hides.jpg

مهم جدا فى الامر رقم 4 لازم ناخد بالنا من المسافات والافضل تعمل للامر ده copy

فى رقم 5 بيقولنا ان انه تم نسخ الملف بالفعل دلوقتى لو روحنا على الصورة وشوفنا حجمها هنلاقى انها بقت بحجم الملف المضغوط

دلوقتى ممكن تمسح الملفات وتمسح الملف المضغوط وتسيب الصورة طبعا لانها دلوقتى هى اللى مخبيين فيها الملفات طب عايزين نفتح الملفات ؟ ببساطة غير امتداد الصورة من jpg الى rar أو كليك يمين على الصورة وبعدين open with ونختار winrar وخلاص.....

ياريت تكون الطريقة عجبتكم بس فى هنا حاجتين نقولهم:

*اللى مشتغلتش معاه فى ال winzip يجرب الwinrar وهتشتغل باذن الله

لازم تتاكد من امتداد الملف المضغوط هو .rar ولا .zip لما نكتب الامر رقم 4 فى الدوس

والى لقاء اخر باذن الله