ازاى تعمل صورة خلفية لمجلداتك

كثير بنزل ملفات من الانترنت نيجى نفتحها نلاقى الفولدر خلفيته صوره مثلا للمنتدى اللى رافعها او اى صورة تانية
طب ازاى نعمل الحكاية دى؟

ببساطة هنعمل مجلد جديد او تروح على اى مجلد من عندك وكليك يمين عليه و نختار customize ننزل تحت شوية عند change icon نضغط عليها و نختار اى ايقونة تعجبك و ok ثم apply ثم ok زى العادة

النقطة الاهم لازم نشيل الاختيار من امام hide protected system files عارفين طبعا ازاى واللى مش عارف يبص على الموضوع ده:أضغط هنــــــــــــــــا

نبص جوة الفولدر هنلاقى ملف اسمه desktop.ini هنضغط عليه دبل كليك هيفتح فى برنامج المفكرة هنلاقى الثلاث سطور دول:

[.ShellClassInfo]
IconFile=%SystemRoot%\system32\SHELL32.dll
IconIndex=13

ملحوظة:الرقم 13 ده رقم الايقونة اللى اختارتها ممكن ميكونش زى اللى عندك لان كل ايقونة ليها رقم

نحذف الثلاث سطور اللى فوق دول عشان نشيل الايقونة اللى اختارناها للفولدر ونحط الاربع سطور دول مكانهم

[ExtShellFolderViews]
{BE098140-A513-11D0-A3A4-00C04FD706EC}={BE098140-A513-11D0-A3A4-00C04FD706EC}
[{BE098140-A513-11D0-A3A4-00C04FD706EC}]
IconArea_Image=online.jpg

ونيجى على السطر الاخير ونحط مسار الصوره اللى هتبقى الخلفيه. انا هنا حطيت الصورة جوه الفولدر وده مسارها اللى باللون الاحمر طب لو عوزين نحط صورة اسمها HAYFA.JPG مثلا مكانها على E فى فولدر اسمه PHOTOS يبقى مسارها كده:

D:\PHOTOS\HAYFA.JPG

وبعد كده اعمل save واعمل refresh هتلاقى الفودر بقى خلفيته الصوره اللى حطيناها جواه

والى لقاء اخر باذن الله