9‏/7‏/2009

أسطوانة انقاذ Avira للتخلص من الفيروسات دون الدخول على الويندوز و تقبل التحديثات

هل الفيروسات ضربت جهازك تماما و مش مخلياك تقدر تخش على الويندوز بشكل عادى او عن طريق الوضع الامن Safe Mode ؟
وهل جهازك عليه ملفات و حاجات مهمة مش قادر تخش عليها بسبب المشكلة دى و مش عايز تعمل فورمات للهارد و تنزل ويندوز من اول و جديد؟
مواقف يمكن بعض منا اتعرضلها و اصابته بالعجز و الياس بس النهاردة مع اسطوانة مكافح الفيروسات الاشهر Avira ذاتية القلاع Bootable مبنية على نظام اللينوكس المعروف بالثبات و الحمايه من الفيروسات اللى هتخش بيها على الويندوز لايف Live و تقدر تعمل Scan وتتخلص من الفيروسات مش بس كده ده الاسطوانة مجانية Free Download والاهم من كده انها كل يوم بتتحدث كذا مرة على العكس مثلا من اسطوانة مثلا زى Kaspersky Rescue Disk اللى ممكن نعملها من نسخة 2009 ومنقدرش نعملها تحديث لا اوتوماتيكيا و لا بطريقة يدوية.

نزل اخر نسخة بتحديثاتها من الاسطوانة على شكل ملف تنفيذى (أضغط على الملف و استكمل الخطوات لحرق الاسطوانة) او لو عايز تريح دماغك نزلها على شكل ملف ايزو لحرقه مباشرة على اسطوانة فارغة.

أنقر هنــــــــــــــــــــا للدخول الى رابط صفحة التحميل و اختار نوع الملف كما بالصورة التالية

























بعد ما نحرق الاسطوانة نعمل اعادة تشغيل للجهاز و نختار البوت من السيدى روم وده شكل الاسطوانة بعد الحرق فيها خيارين الاول بوت من الهارد و الثانى الدخول على الاسطوانة وده اللى هنختاره
















بعدها الاسطوانة هتعمل تحميل لملفات اللينوكس و تختار اللغة الانجليزية أو الالمانية وتحمل الدرايفرات Drivers و فى الاخر هتظهر الشاشة دى و اللى هنختار منها scan عشان نمسح بيها الجهاز(كل الملفات او ملفات البرامج او البوت سيكتور فقط )



















الاختيار التالت لمشاهدة ملف اللوج الخاص بنتائج عماية المسح والرابع لعمل ملف اللوج و الخامس لعمل تحديث لقاعدة بيانات الفيروسات و اللى بعده وهو open هيفتح معاك موجه الاوامر الخاص باللينوكس لو عندك خلفية عنه اما لو فتحته بالخطأ فاضغط ctrl+f1 للعودة للقائمة الرئيسية.

ياريت يكون الموضوع عجبكوا والى لقائ اخر باذن الله

0comments:

إرسال تعليق

جميع الحقوق محفوظة© لمدونة Online It Tips