اجعل جهازك يقلع من السى دى روم او الفلوبى او الـ USB حتى لو البيوس مبيدعمش ذلك !!!!!!

كتيرة هى الاجهزة القديمة اللى مفيهاش امكانية الاقلاع من السى دى روم او الــ usb طب النهاردة لو عندنا مشكلة على جهاز و عايزينه يبوت من السى دى روم اللى حاطين فيه اسطوانة صيانة زى Hiren's مثلا ايه الحل والجهاز البيوس بتاعه مبيدعمش البوت من السيدى روم او عايزين نسطب ويندوزمن على فلاشة usb والبيوس مبيدعمش البوت من الـ usb ايه الحل؟
بعض شركات المذربورد بتنزل تحديث للبيوس بتاع البورد القديمة عشان تحل المشكلة طب لو البوردة ملهاش تحديث للبيوس؟
الحل يا جماعة هو برنامج صغير اسمه PLoP Boot Manager وده بنقدر من خلاله نخلى الويندوز يقلع من الهارد أو فلوبى ديسك او سيدى روم او حتى usb .البرنامج مش بس بيعمل كده لكن ليه مميزات تانية كتير

مميزات البرنامج:
1-مجانى
2-اقلاع من السيدى روم أو الفلوبى أو اليو اس بى(UHCI,OHCI,EHCI) دون دعم البيوس لذلك
3-التعرف على هاردديسك حتى 16 بارتيشن
4-التعديل فى جدول الــ MBR
5-حماية الكمبيوتر و برنامج الــ Setup بكلمة سر
6-امكانية اخفاء البارتيشنات
وحاجات تانية كتير ممكن تستكشفوها بنفسكم او لما تزوروا الموقع الرسمى للبرنامج من هنـــــــــــا

طريقة العمل:
1-حمل البرنامج من هنــــــــــا فى صورة ملف مضغوط
2-بعد التحميل فك الضغط عنه وانسخ الملفين دول plpbt.bin و plpgenbtldr.exe الى جذر البارتيشن c
3- روح للدوس من Run واكتب cmd
4-فى شاشة الدوس اكتب الامر /cd للوصول الى درايف الـــ c

5-اكتب plpgenbtldr.exe وبعدين انتر هنشوف شوية سطور وبعدها وده الاهم لازم نشوف السطر ده :

"plpbtldr.bin created"

6-اكتب الامر ده start boot.ini (فى ويندوز اكس بى فقط) عشان يفتح محرر ملف البوت اللى هانضيف له السطر ده فى الاخر:

c:\plpbtldr.bin="Start PLoP Boot Manager"


7-اعمل اعادة تشغيل للجهاز هنشوف سطر جديد فى شاشة البوت اسمه Start PLoP Boot Manager

لما نضغط عليه انتر هتظهر شاشة البوت دى اللى هنقدر من خلالها نبوت من الهارد او الفلوبى او السيدى روم او اليو اس بى

ياريت يكون الموضوع عجبكوا ولو فى اى مشاكل ممكن ندخل على الموقع الرسمى للبرنامج من هنــــــــــــــا