ازاى الارهابيين بيخبوا رسائلهم فى الصور ؟؟!!!

فى موضوعين سابقين اتكلمنا عن حاجة مهمة وهى ازاى نخفى الملفات بدون برامج منهم موضوع ازاى تخفى ملفات mp3 فى صورة : من هنــــــــــــــا والموضوع التانى ازاى تخفى ملفات فى صورة : من هنــــــــــــــــــا وكان التكنيك واحد باستخدام امر بسيط من اوامر الدوس .

النهاردة هنشرح ازاى نخبى كلام "نص" جوه صورة والالية دى مش جديدة بالعكس فهى معروفة من وقت وتسمى Steganography ومش بس كدة ده ممكن نشفر الرسالة دى عشان مش اى حد يطلع عليها .

والموضوع ده بيتم عن طريق برامج معينة منها المجانى Freeware ومنها Shareware وكل له امكانياته و مميزاته بس شغلنا هيبقى على برنامج اولا: مجانى ثانيا: حجمه بسيط تقريبا 1.11 ميجا وثالثا :لا يحتاج الى تنصيب والبرنامج اسمه ImageHide ممكن نحمله من هنــــــــــــــــــــــــــــــــــا

أخر تحديث للبرنامج ده كان بتاريخ 4-7-2005 ورغم انه بيدعم انساق كتيرمن الصور :
.cut, .pcd, .pic, .cel, .pbm, pgm, .ppm, .pdd, .psd, .bw, .rgb, .rgba, .sgi, .rla, .rpf, .scr, .pcc, .pcx, .eps, .fax, .tif, .tiff, .ivb, .tga, .vda, .vst, .win, .dib, .rle, .jpeg, .jpe, .jpg, .jfif, .emf, .wmf, .ico, .bmp, .png

الا انه لا يحفظ الصور الا بصيغة png و Bmp


خطوات العمل:

- بعد تحميل الملف المضغوط وفك الضغط عنه نضغط على البرنامج ImageHide.exe
- نضغط على Loadimage لنختار الصورة اللى هنخبى فيها الرسالة
- بعد ما الصورة تحمل اكتب اللى انت عايزه فى الجزء اللى بالأسفل ولما تخلص اضغط على زر Write Data وبعده اضغط على زر Save Image لحفظ الصورة باى من الامتدادين png او bmp

- لمشاهدة الرسالة المخفية اللى فى الصورة اضغط Load Image واختار الصورة ولو جواها كلام هيبان فى سطر الحالة للبرنامج نسخة البرنامج هنا 2.0 وهل الرسالة متشفرة ولا لأه وايضا حجم الملف.

ولمزيد من الامن يمكننا استخدام التشفير Encryption فقط اضغط زر Encrypt Data قبل الضغط على زر Write Data سيطلب منك ادخال كلمة سر لتشفيرها وبعدها سترى ان ما قمت بكتابته اصبح مجرد رموز و ارقام لا معنى له وبالتالى اذا عرف اى حد انك مستخدم البرنامج ميقدرش يطلع على الرسالة من غير الباسورد.

المدهش انك لو بتستخدم صورة حجمها كبير عشان تخبى فيها رسالة لما تحفظها بامتداد png حجمها بيقل على عكس الصورة اللى بنخبى فيها ملف ام بى ثرى مثلا نلاقى ان حجمها زاد و ده بيخليها مثار شك.

واخيرا الطريقة دى مش للارهابيين بس ده ممكن لو انت مصمم جرافيك ممكن نحفظ حقوقك فى الصورة من خلال كتابة رسالة جواها تبقى دليل على ملكيتك لحقوق الصورة وغيرها من الاستخدامات .